Na ría de Ribadeo sempre houbo unha certa competencia entre os ribeireños e entre as entidades de poboación da ribeira, como sucede en xeral entre veciños. Ás veces, esa competencia é boa, pero ás veces, non. E desto segundo se trata. Enviáronme documentación sobre un caso que ven a enturbiar máis o tema da nave do porto, porque se podería entrar no toma e daca político entre as ribeiras e os correspondentes gobernos autonómicos. Non se trata da ampliación do peirao en Castropol ou nas Figueiras, senón dunha nave para a construcción de barcos pequenos no porto de Castropol. Poño aquí unha primeira parte (deixo o que son alegacións e contestación para a tarde), consistente a noticia de La Nueva España, unha foto 'ecolóxica' dunha árbore en Castropol e unha toma Google da zona do antigo porto da Veiga. O desencadenante actual é a licenza de obra para a nave.
O certo é que remato de ver a documentación e aínda non tiven tempo de asimilala; o non facelo dame tempo para dúas pequenas novas:
A Innovación fogar da comezo ó peche dos tres comercios que a Innovación mantén en Ribadeo. Este primeiro é o de Villafranca del Bierzo, e onte xa estaban operarias de La Moda (ó parecer, empresa compradora) ó mando para desfacerse a prezos de saldo dos restos. Con esto comeza a desaparición duns almacéns de referencia en Ribadeo.
O outro ten unha importancia máis anecdótica: levo dito moitas veces que o concello incumpre a ordenanza de ruído por unha morea de artigos diferentes. Por exemplo, por contratar altofalantes para anunciar actos diversos. E por permitilos. Pois onte coido que se batiu un récord particular ó ter visto tres coches diferentes, un correspondente a Donapubli (quen fai normalmente os anuncios con altofalante para o concello, pero tamén para establecementos privados), outro ó Rosa Lar e outro a un establecemento de Tapia (TapiOK). Todo, con poucos minutos de diferencia na mesma mañá e sen ter ningún carácter de urxencia ou excepcional interese (caso no que a ordenanza permite o uso de altofalantes).
Un pouco máis aló está a nova da suxerencia do alcalde de Viveiro de darlle o nome de Hernán Naval ó Conservatorio. Lémbrase que estivo (e segue) proposto o nome para a Escola Municipal de Música de Ribadeo, e tamén que o modelo de conservatorio víao como unha competencia moitas veces non desexable para a correspondente escola municipal.
Ningún comentario:
Publicar un comentario