Hai un par de días publiquei unha nota curta, chegaron os vándalos, na que daba nota dos destrozos no cargadoiro. Ó día seguinte puiden ver no blog de El Ángel de Olavide outro vandalismo nas Figueiras. Onte tamén entereime de destrozos en Viveiro pouco antes das municipais pasadas. E hoxe decidín deixar unha pequena mostra de como quedou o cargadoiro.
A grandes rasgos, non se nota moito; é polo miúdo onde se pode observar a mala leche dos causantes. 'Dos', porque se o rebentar os vidros das luminarias coido que pode ser rápido, o tumbar as farolas non parece ser nin rápido nin cousa dunha soa persoa.
Por certo que parece que o goberno municipal deixara sen recoller os vidros (si retirou as farolas) para que a cidadanía poida ver como foi o destrozo, por se non abondara con ver as luminarias sen potector e sen lámpada.
Mentras, segue sen saberse nin comentarse máis doutro destrozo (que considero de xeito diferente pero non menor), das vidrieiras do cemiterio. José Mª Rodríguez foi último en falar delo, no seu blog e na Comarca. Pero irá saíndo pouco a pouco. Por exemplo, por Pancho Campos entérome hai poucos días de que cada unha das vidrieiras ten arredor de 600 pezas de vidro montadas. En total serían unhas 4 000 unha vez descontadas as partes baixas das vidrieiras que xa estaban sacadas. Só esta cantidade, a parte da propia reproducción dos vidros cunha técnica que ten que ser complexa, ou da minuciosa montaxe necesaria, da unha idea do monto económico que pode supoñer o voltar as vidrieiras ó seu estado.
Sobre as vidrieiras: 1, 2, 3, 4, ...
1 comentario:
El vandalismo es una patología social de muy dificil erradicación. Los casos que indicas son un muestrario de los diferentes formatos que adopta. El vandalismo destructivo por si mismo. El relacionado con supuestos políticos otro de ellos. Y por último y en relación con las vidrieras del cementerio de Ribadeo el mas letal de todos ellos: el que tiene que ver con el desprecio de lo público y la ignorancia. Veo que algun portavoz político insinua que la solución es policial. Ojalá fuese así. Desgraciadamente creo que la solución viene mas de un cambio del modelo de sociedad en la que vivimos. El vandalismo en ciudades grandes como Madrid termina siendo aceptado como una especie de tributo y lo asuminos como cosa natural. Ojalá se esté a tiempo de darse cuenta de la importancia de dar la batalla a este fenómeno en Ribadeo.
Publicar un comentario