De fóra e daquí

Daquí: esta fin de semana non haberá o certame de intérpretes mozos Hernán Naval. Dun xeito inesperado, pódese atopar a nova nos xornais. A razón aducida non depende tanto de Ribadeo como de fóra: a falta de participantes. De calquera xeito, o cambio de datas por mor das eleccións influíu na diminución de xente, e a iso se atribúe que precisamente no ano décimo do pasamento de Hernán non teña lugar o certame que leva o seu nome, que sería o IV celebrado.
De fóra: chámame a atención un titular, "A patronal prefire influír nos políticos a pactar". Será certo, pero non é novidade, alomenos estes últimos anos. Quizáis a novidade é que se produza nun novo contexto postelectoral, por esperado que sexa. Volverá aquelo de 'TINA' (There Is Not Alternative, non hai alternativa, fronte a HAINA, Here Always There Is Alternative, aquí sempre hai alternativa) mesmo despois das acampadas do 15M e estar anunciados de desahucio o PSOE (que non os socialistas)? Mentras o 'diccionario biográfico español' segue a sorprender a propios e estranos, mentras Merkel fai amagos para calmar ós agricultores españois despois de arruinalos coa metedura de pata dunha ministra de land alemana, aquí seguiremos con decisións seudosalomónicas dun goberno 'en funcións'.
... Menos mal que hai tamén outra novas: Wikileaks consegue un premio xornalístico a traverso de Assange a pesares dos procesos no que o están a misturar. Extenderánse tamén as boas novas ós comentarios anteriores?