Un pouco de nostalxia nas eleccións municipais de Ribadeo

Baixo de casa está a mesa recollendo avais para que a agrupación de electores Ribadeo en Común se poda presentar ás eleccións municipais en Ribadeo o próximo mes. Isto fixo que tirara de hemeroteca particular e recolgara na rede (neste caso, en ribadeando) unhas cantas entradas de programas dos partidos políticos que se presentaron ás municipais, recollidas de Ribadeo historia.
Polo momento, quedan as das eleccións municipais de 2003 e 2007. As entradas correspondentes ás eleccións municipais de 2011 xa as puxen directamente en Ribadeando. Co cumprimento de programas neste país, o sistema de confección que prima recollida de ideas sinxela e non potenciación de ideas das persoas, etc, pode resultar dende un exercicio nostálxico a unha lembranza de que estamos faltos da formulación do Ribadeo que queremos, pasando por outras posibilidades, como o pensamento de que programa tería resultado en cada caso se se implicara á cidadanía, se se lle animara a participar e non só a falar unha vez cada catro anos.

Escudo de Ribadeo, collido da gl.wikipedia.org