A bici pasada

Días atrás recibía unha nota de prensa, que deixo embaixo, para unha actividade do venres día 5:

"RIBADEO EN BICI

Un venres mais de principios do mes de agosto, facemos unhaconcentración-pitada de usuarios da bici, non só de ciclistas, que en forma de auto-convocatoria, nos concentrará no Cantón e á que queremos convidar a todos e todas as persoas ribadenses e non ribadenses, pais fillas e parentes que teñan unha bici e queiran reivindicar os usos saudáveis da bicicleta.

O único necesario para asistir é ter unha bici e gañas de pasa-lo bem. Esperamos a todas aquelas persoas que crean que outra forma de desprazamento por a nosa vila e a súa entorna é posivel.

O horario será ás 8:30 diante do concello. Todos e todas as que poidan que traian un chifre para facernos ver.

Ao mesmo tempo anunciamos tamén que o SÁBADO 20 de agosto faremos un paseo até Rinlo que virá acompañado dun bici-tapeo no que queremos que participen todas aquelas familias que estean interesadas.

Ribadeo a 4 de maio do 2016."

O certo é que venres, o día no que se rogaba que fora publicado, escapóuseme o publicalo, polo que o publico agora, unha volta pasado o evento, con algún comentario.

A foto que segue ilustra o que foi a concentración, se ben non estaban todos nese momento nin pode recoller o recorrido por Ribadeo cos chifres na boca para reivindicar unha atención dos condutores e da ordeación do tráfico que se manifesta cada vez como máis necesaria.

As convocatorias polo momento levan tido unha atención e participación moi variable, mais o impacto aparentemente non deixa de medrar. E é necesario que siga a facelo. Calquera que saia en bici por Ribadeo ou arredores pode dar fe...
Mentres, verémonos o venres primeiro de setembro, ou no bicitapeo que seguramente haberá este mesmo mes.