Abandoando Ribadeo

Onte, de novo, un xornal facía un pequeno estudo parcial sobre o envellecemento de Galicia. Neste caso, sobre a idade á que as mulleres en Galicia afrontan a maternidade. Saía algunha curiosidade, como que na zona da montaña lucense hai relativamente máis nais novas que por exemplo na zona de Ribadeo, pero non explicacións, causas, unha visión global, discusións sobre que grao de envellecemento sería convinte (iso da 'superpoboación' mundial), os coidados da vellez e da nenez, ou un conxunto comprensivo que permita facer algo máis que poñer parches a unha situación que se intúe como implosiva. Tampouco trataba o tema da emigración como parte do problema.
E ese desenvolvemento de novas sobre a despoboación é común. É un tema moi complexo que parece se queira tratar a golpe de titular, quizáis a continuación dunha pelexa sobre xeriátricos, ou sobre a dificultade de atopar xente preparada en robótica. Valen moitas novas previas para que o envellecemento, a baixa taxa de reprodución ou outro tema semellante -illado, iso si- saia a colación.
Non voi insistir máis por hoxe. Só tentar de coller os sentementos dunha parte de xente que non contribúe ó 'repoboamento de Galicia' porque se ten que marchar. Que sinte ó ver alonxarse o seu pobo por unha boa tempada?