Coido que é a primeira 'cousa' que poño no blog relacionada co 1-O, porque, ó fin, se non fora pola convocatoria dun referendo nin o cartel nin o que anuncia estaría agora en axenda. E póñoo porque é un xeito de compensar a intoxicación a que vimos sendo submetidos polos medios de comunicación dende hai tempo, pero coido que 'o de Cataluña' só é un subproduto que está sendo espoleado e aproveitado dende zonas de poder para non perder iso, o poder. Algo que tería que desenvolver para deixalo máis claro, pero que me leva a un certo afastamento da 'cuestión catalana' aínda sendo consciente de que na xestión dun sistema as cousas pequenas son importantes e ... Ben, seguro que esta tarde falan moito máis, aínda que o que non sei é se podería asumir as súas verbas (antes) ou se as asumirei (se vou, despois), xa se sabe que o diálogo pode facer cambiar visións.
Ningún comentario:
Publicar un comentario