Aprender para as posibilidades de paz

    O mérdores 30, ás oito da tarde, no Salón de Actos da Casa do Mar, Lourenzo Fernández Prieto datá unha charla con coloquio posterior aportando claves sobre a historia que levou á situación actual na Ucraína.

    Lourenzo Fernández Prieto, Tito, foi chamado pola Plataforma pola Paz de Ribadeo, grupo de xente que promove tamén as concentracións pola paz.

    Copio a entrada que lle corresponde na Galipedia, despois da nota enviada pola plataforma convocante:

A Plataforma de Ribadeo Pola Paz convoca unha charla debate con Lourenzo Fernandez Prieto o mércores, día 30 de marzo, as oito do serán na Casa do Mar. Lorenzo Fernandez Prieto é cadeiradego de Historia Contemporánea na Universidade de Santiago de Compostela e activista pola paz e as liberdades democráticas. O debate é aberto aos temas relacionados ca invasión rusa de Ucranía, as guerras no mundo, o risco de guerra nuclear, etc.

Asemade o xoves día 31 de Marzo as oito da tarde diante do concello celebrarase unha nova concentración veciñal, que será a quinta, contra a invasión de Ucranía polos exercitos rusos e a pola paz mundial.   

Lourenzo Fernández Prieto, nado en Vilagoíz (A Devesa, Ribadeo) o 28 de maio de 1961^{[Cómpre referencia]}, é un historiador galego. En 2021 foi elixido membro da Real Academia Galega^[1].

Índice

• 1 Traxectoria
• 2 Obra en galego
  • 2.1 Ensaio
  • 2.2 Obras colectivas
• 3 Obra en castelán e inglés
  • 3.1 Ensaio
  • 3.2 Obras colectivas
• 4 Galardóns e recoñecementos
• 5 Notas
• 6 Véxase tamén
  • 6.1 Ligazóns externas

Traxectoria

É catedrático de Historia Contemporánea da Universidade de Santiago de Compostela desde 2005. Foi secretario do IDEGA entre 1992 e 1995 e pertence ao seu Consello Científico. Elixido en varios períodos, desde 1986, membro do Claustro e da Xunta de Goberno da USC, así como do Consello Universitario de Galicia. Vicerreitor de relacións institucionais da USC entre 2007 e 2010. Na actualidade é director do departamento de Historia Contemporánea da universidade compostelá e membro do consello de administración da Editorial Galaxia. Colabora habitualmente en diversos medios de comunicación do país.

Especializado en Historia agraria e Historia do século XX, os seus ámbitos principais de traballo refiren á mudanza tecnolóxica, as mudanzas na sociedade rural contemporánea e a política da memoria.

Dirixe o Proxecto interuniversitario Nomes e Voces, dedicado á investigación da represión franquista en Galicia,^[2] e o Grupo de historia agraria e política do mundo rural da USC (Histagra).^[3]

A súa produción e actividade científica comprende máis dun cento de publicacións, así como o liderado de diversos proxectos e convenios de investigación. Ten participado en proxectos europeos dos programas STRIDE (mudanza tecnolóxica) e FAIR (propiedade comunal). No intervalo de 2005 a 2010 foi elixido vicepresidente da Sociedade Española de Historia Agraria.

Dende 1995, forma parte do General Board da rede europea ESTER (European School for Training in Economic and Social historical Research), responsábel da formación de estudantes de doutoramento.

En maio de 2010, concorreu con outros seis candidatos á reitoría da USC, proceso no que pasou á segunda volta.

Obra en galego

Ensaio

• A granxa agrícola-experimental da Coruña: 1888-1928. Contribución ao estudio experimental da renovación técnica da agricultura galega, Xunta de Galicia, Santiago de Compostela, 1988.
• Labregos con ciencia. Estado, sociedade e innovación tecnolóxica na agricultura galega, 1850-1939, Xerais, Vigo, 1992. ISBN 84-7507-645-9
• Facendo Historia con Memoria, Edicións tresCtres, Santiago de Compostela, 2010. ISBN 978-84-92727-06-3
• Informe de resultados. Vítimas Galicia (1936-1939), Meubook, Santiago de Compostela, 2010.

Obras colectivas

• Vocabulario de historia, Universidade de Santiago de Compostela, 1994.
• Actas do Congreso Internacional Poder Local, élites e cambio social na Galicia non urbana (1874-1936),Santiago de Compostela, 14-15 xuño 1996, Universidade de Santiago de Compostela, 1997.
• Terra e Progreso. Historia Agraria da Galicia Contemporánea, Xerais, Vigo, 2000.
• Os montes veciñais en man común: o patrimonio silente. Natureza, Economía, identidade e democracia na Galicia rural, Xerais, Vigo, 2006.
• A gran historia de Galicia, La Voz de Galicia, 2007.
• Historia das historias de Galicia, Xerais, Vigo, 2016.
• 1936. O Estatuto esquecido, Guiverny, 2016.

Obra en castelán e inglés

Ensaio

• El apagón tecnológico del franquismo. Estado e innovación en la agricultura española del siglo XX, Tirant Lo Blanch, Valencia, 2007.

Obras colectivas

• AA.VV. (1991). Historia de Galicia (en castelán). Faro de Vigo. ISBN 84-404-9520-X..
• La sociedad rural en la España contemporánea: mercado y patrimonio (con Francisco Balboa). Edicións do Castro, Sada, 1996. ISBN 84-7492-802-8
• Sombras de progreso. Las huellas de la Historia Agraria, Crítica, Barcelona, 2010.
• Contemporary Galician Studies. Between the Local and the Global, The Modern Language Association of America, Nova York, 2011.
• Agriculture in the Age of Fascism, Brepols, 2014.
• Otras miradas sobre el Golpe, la Guerra y la Dictadura. Historia para un pasado incómodo, Catarata, 2014.

Galardóns e recoñecementos

• Premio Losada Diéguez de investigación en 1993, por Labregos con ciencia.
• Premio da Crítica de Galicia (en investigación) en 1993.

Notas

3. Grupo de Historia Agraria e Política do Mundo Rural USC.

Véxase tamén

Ligazóns externas

• Site da candidatura á reitoría en 2010
• Blog persoal
• Twitter persoal
• Resultados Eleccións 2010 na USC.
• Porto, Xerardo (7/9/2008). "O franquismo non ten herdeiros, pero hai temor a remover o pasado", La Opinión A Coruña.

"A RAG nomea académico de número o historiador Lourenzo Fernández Prieto". Nós Diario. 27/3/2021.

Proxecto interuniversitario Nomes e Voces