Unha vista actual das Figueiras e a ría

    Onte estiven polas Figueiras. Fun ata o extremo da última escollera que se fixo na ría e tomei unha panorámica pensando en que, se non se para o proxecto como pretende facer BioEo, a vista que recollín vai cambiar de xeito drástico. Os seus 57 m de saínte da costa quédanse pequenos en relación ós máis de 80 m que chega acadar o recheo dos 90 en Ribadeo ou ós algo máis de 100 m que se separa nalgún lugar a liña do peirao ribadense da liña de costa. Pero non deixa de ser ó tempo, algo grande con relación á propia largura da ría de Ribadeo, e algo pequeno en relación ó que se proxecta alí mesmo, dende antes do 2015, co gasto dunha millonada  para deixar as Figueiras detrás dun muro.