 |
| O Centro de Saúde de Ribadeo na actualidade, no Google Maps |
PLATAFORMA POLA DEFENSA DO CENTRO DE SAÚDE
Como é sabido o Concello de Ribadeo e a Consellería de sanidade
da Xunta de Galicia veñen presentando, dende hai mais de dous anos un
proxecto de construir un novo Centro de Saúde en Ribadeo que podería ter
algunas ventaxas con respecto ao actual e
tamén algúns inconvintes. Por este motivo un grupo de veciños e veciñas
tivemos unha serie de xuntanzas e intentamos analizar os pros e contras
deste proxecto e imos exponer aquí un resumen do que levamos falado
para coñecemento da veciñanza e que cada quen
poida opinar como considere oportuno.
En primeiro lugar debemos suliñar que non temos nengún
inconvinte en que se constrúa un novo centro se sirve para mellorar o
servizo actual, ¡faltaría mais¡ pero por ahí empezan as dúbidas. Non
coñecemos - porque non se publicou – nengún informe técnico
que especifique cales son as carencias do centro actual e porqué non se
poderían suplir con unha reforma do mesmo, que sería moito mais barata.
En segundo lugar, e esto é o que mais nos preocupa, preténdese
construir o novo centro nun solar situado en fronte da estación de
servizo, ou sexa a un km do centro actual e do miolo do casco urbano, o
cal significa que a gran maioría dos usuarios e
usuarías terían que desplazarse a pe ou en coche particular ou en taxi
para recibir asistencia sanitaria.
Para coñecer mellor estes detalles fixemos unha serie de estudos
e aquí van os datos concretos que poden interesar á veciñanza: Cada día
de luns a venres acuden ao centro de saúde unhas 600-700 persoas por
diferentes motivos (análisis, consultas, trámites
burocráticos, urxencias, etc). Somente para análisis son 50-60 persoas
(non todos os días). Fixemos unha enquisa entre as persoas que acudían a
facer análisis e un 75 % aproximadamente
desplazanse a pe, mentras que un 25 % veñen
en coche. Dos que van facer análisis, arredor dun 67 % son persoas de
mais de 65 anos, moitos de eles con dificultades de desplazamento como
calquera pode entender. Outra cousa que fixemos foi ponernos diante da
estación de servizo entre as 8:30 e 13 horas
da mañana en seis días distintos de semana e contar os automoveis que
pasaban dando como resultado que a media foron entre 7 e 14 coches,
furgonetas ou camións por minuto nese tramo horario. Pode entenderse
fácilmente o que esto significa se se engaden outros
400 ou 500 coches entrando e saíndo do aparcamento do centro de saúde
que agora se pretende levar a esa zona da Cantalarrana. Serían entre 800
e 1000 vehículos movéndose por aquela curva con mala visibilidade e ca
estación de servizo enfronte. Esto son números
que calquera pode comprobar, aquí non hai demagoxia nen política de
nengún tipo. E téñase en conta que estes datos foron recollidos no mes
de marzo, a ver qué pasa no vran.
Tamén debemos informar que o 21 de decembro de ano pasado tivemos
unha entrevista co Sr. Alcalde e outras persoas do concello e dado que
non chegamos a convencernos uns e outros quedamos en que nos citarían
para unha nova charla con presencia de un técnico
da Consellería de Sanidade pero o tempo foi pasando e ninguén nos
chamou para ese novo encontro.
O último que sabemos é que no Pleno Municipal do dia 14 de maio
tomouse o acordo de iniciar os trámites para recalificar os terreos
destinados a este novo centro de saúde en fronte da estación de servizo.
Aquí deixamos esta información. Dende o noso ponto de vista
sería un erro histórico levar o centro de Atención Primaria para
Cantalarrana tendo como temos un servizo accesible e cómodo no centro do
casco urbano, ao que poden acceder a pe a gran maioría
dos veciños como todos sabemos. Que se pode mellorar xa o sabemos, como
todo na vida.
Non entramos nas promesas da Xunta de Galicia. Só suliñar que
temos a impresión de que queren suprimir o servizo de radioloxía, o que
suporía unha perda de prestacións e ter que desprazarse a Burela cando
se precisase unha radiografía sinxela. E poñendo
os pés na terra non podemos esquecer que a Consellería de Sanidade non é
capaz de garantir a consulta de Pediatría dende hai moitos meses, como
todo o mundo sabe. O único que propoñemos aos veciños é que se informen e
pensen o que mais nos convén, a ver se
nos van cambiar as orellas polo rabo.
Pola nosa banda iniciaremos unha serie de accións informativas das que daremos conta oportunamente.
Ningún comentario:
Publicar un comentario