Manifesto da Asambleia Nazonalista de Lugo
Hai pouco tempo, por casualidade, atopei nun expurgo dunha biblioteca un documento que entendo non debera ser expurgado. De feito, levareino de novo de volta por se houbera algún erro nese feito. Ese documento é un exemplar, incluíndo edición facsimilar, do Manifesto da Asambleia Nazonalista de Lugo feita pola Fundación Galiza Sempre. Corresponde á edición de 2008, téndose realizado unha edición numerada
de 200 exemplares no ano 2000, como consta en folla previa. Ten un formato de tamaño lixeiramente superior ó que podo escanear con tranquilidade cos meus medios, polo que realicei a labor tentando axustar as beiras para que non quedara impresión fóra, a máis do número da páxina correspondente. Máis ou menos, está feito.
Cando me decatei do que era, o primeiro que fixen foi poñerme en contacto coa fundación para poder reproducilo. Unha vez obtido, queda dar as grazas polo permiso (unha copia do corpo do correo correspondente déixoa baixo o documento), despois de dalas por ter feito a edición. Xusto Bermendi, na introdución, explica ben o contexto, aforrándome o tentar facelo eu con abondo peor calidade. A máis, a transcrición que se fai ó final evita o inconvinte de ler unha letra manuscita (con letra moi lexible), polo que, aparte destas verbas previas, a miña labor limitouse ó escaneo e a ligar os enderezos que considerei convintes da Galipedia para complementar a labor.
Sinxelamente, espero que servira para dar visibilidade a un documento pouco coñecido polo público en contraste co fito histórico que representa.
Sen máis,
Reprodución do corpo do correo co permiso da fundación:
"Sen problema, sempre e cando, se cite a edición da publicación. O
manuscrito que se recolle na publicación foi adquidido pola FGS
hai 25 anos e depositado no Museo do Pobo Galego."
Ningún comentario:
Publicar un comentario