Sobre as notas de prensa do Concello de Ribadeo
Hai tempo que as notas de prensa do Concello, que a finais da primeira década do sećulo foron concebidas como unha ferramenta para transmir ó pobo novas do concello e en xeral un método para pasar o que o poder quería que o pobo asimilara, deixaron de ser o mecanismo de transmisión case exclusivo. É dicir, en parte, hai tempo que deixaron de ter a importancia que chegaron a ter. Só en parte, pois non só o concello pasou a estar nas redes socias (polo momento non en Mastodon -como en amarinha.gal- ou noutra rede libre, que saiba, senón só en redes propietarias como Facebook) senón que volveu incrementarse o número de novas transmitidas de xeito directo, non formal mediante o mecanismo de notas do concello, pero sen que deixara de manterse ou mesmo incrementarse o número de notas emitidas ano tras ano.
O caso é que o concello (na realidade, o alcalde e o equipo de goberno) segue a transmitir ditas notas cunha frecuencia superior a unha diaria, co que seguen sendo un instrumeto funamental para dirixir a atención a dicdadanía en Ribadeo. Por iso mesmo, continúo coa estatística o mesmo que fixen en anos anteriories, se ben dun xeito máis relaxado. De feito, era a comezos de xaneiro cando soía facer o resume do ano anterior, e desta volta, xa finalizado febreiro, case podo facer un resume do comenzo de ano. Aí vai:
O 2024 non marcou un máximo anual, senón que quedou de terceiro, se ben a unha distancia mínima do segundo, o 2022. O 2023, ano electoral, segue marcando o máximo de número de notas emitidas pola alcaldía. O certo é que non ter cambiado a tendencia a final do ano 2024 (despois da ponte da Constitución), non habería moita diferenza entre o nḿero de notas de 2023 e 2024.
Ningún comentario:
Publicar un comentario